Maerwees word naarwees

Oktober 22, 2008 in pseudo-wetenskap
Sleutelwoordw:fat burner; dieet, gewig, kalsium, magnesium, metabolisme versnel, natuurlike middels, verloor gewig, vet

Daar is ‘n paar geheime, wat niemand hard-op wil se nie, oor hoe ‘n mens maer(der) kan wees. Dit is ongelukkig nie in honderde botteljies op die rakke wat baie van ons al probeer het nie.

Inteendeel ek wil vandag ‘n waarskuwing rig aan almal wat al dieetpille of die sogenaamde natuurlike middels, “fat-burners”, metabolisme-versnellers of enige ander van die middels gebruik wat daarbuite te verskwansel word. Kom ons kyk daarna, stap vir stap.

Fat-burners, diete en jy:

Daar bestaan nie so iets soos ‘n “fat-burner” in pilformaat nie, regtig. Dit is alles ‘n geldmaakfoefie, lees mooi, dit moet saam met ‘n dieet geneem word.

Daar is net een manier om vet te verbrand: Die liggaam moet dit self doen deur energie-verbruik. Jy neem een koppie kos in, maar jy spandeer die hoeveelheid energie (oefening) wat een en ‘n halwe koppie kos verteenwoordig. Om dit te doen gaan kry jou liggaam die brandstof in jou reserwes, jou vet. Wanneer die vet op is, sal jou liggaam sy spierweefsel verteer (wat baie gevaarlik is). En al hoe om dit te doen is oefening of minder eet.

Indien die dieet te streng is (te min kos) sal jou liggaam juis vet begin stoor, omdat die brein dink hy is in ‘n oorlewingsituasie en al minder energie verbruik. Dit is hoekom jy traag voel, kopseer kry, naar voel en dies meer. En gewig optel as jy meer as twee krummels eet. ‘n Dieet moet oor ‘n lang tydperk geskied. Of, dit moet nie eens ‘n dieet wees nie, maar ‘n verandering in leefstyl.

Die antwoord is ook nie hope pille en aanvullers nie, jy moet dit deur kos inkry: Suiwel, stysel, groente, vrugte, proteiene, vet (dis nodig).

Diete waar mense net een ding eet, soos druiwe, vleis, bruinrys of watookal is hoogs ongesond en ontneem jou liggaam van sy nodige. Dit is dom. Jy moet iets van alles inkry. Dit is mode om suiwel uit te sny, dit is seker een van die domste dinge wat vroue en mans kan doen, omdat dit lei tot osteoporose. Almal van ons begin been verloor.  (Een uit vier vroue en een uit agt mans oor 50 jaar kry osteoporose en meer as 70% van alle heupbreuke is weens die siekte).

Kalsium en magnesium-aanvullings gaan jou nie help nie – nog ‘n lekker geldmaak-bedryf. Die “aanvullers” se beste opsie is swak, dit beval kalsium-karbonaat (eet liewer ‘n stuk bordkryt – is goedkoper) wat op sy beste 40% kalsium bevat, die ander opsies kalsium-sitraat is nog swakker.

Drink melk, eet kaas en yohurt, en groente waarvan die kleur groen is.

 Jy moet jou bene bou voor 40 (deur bogenoemde te eet, oefening te doen en sonlig te kry). Indien jy die siekte het (doen ‘n beendigtheidstoets as jy oor 50 is) kan jy ‘n bepaalde middel (behoorlike getoetsde medikasie) weekliks neem, of die jaarlikse binne-aarse toediening kry. Dit keer die verbrokkeling van bene en bou dit effe. Voorwaar, tans een van die mediese wonders.

Herhaalde diete ontneem jou bene van die allerbelangrikste voedingsmiddels. Been is lewende weefsel wat voortdurend hernuwe word in ’n proses waarin ou beenweefsel verwyder en deur nuwe been vervang word. Bepaalde selle (osteoklast) verweer die been en laat klein gapings, waarna ander selle (osteoblast) die gapings met nuwe been aanvul.
Wanneer ’n mens nog jonk is, werk die twee tipes selle in ewewig met mekaar, maar ná die middel dertigerjare is die proses nie meer so effektief nie. Mense verloor al hoe meer been, wat die skelet dunner en swakker maak.

Dieetpille is niks meer as kaffeine, lakseermiddels en waterafdryfmiddels nie, om dit eenvoudig te stel nie. Dit versnel g’n jou metabolisme nie. Dit is uiters gevaarlik, kan jou ontwater, is sleg vir jou organe en kan verslawend wees. Boonop bevat sekeres van die onwettige middel efedrien. Omdat dit nie deur die mediese raad goedgekeur hoef te word nie, is enige van die middels (OOK, sogenaamde natuurlike middels nie een goedgekeur of klinies getoets nie). Dit kan lei tot hartkloppings en ‘n rits ander newe-effekte.

Net omdat daar natuurlik op ‘n ding staan beteken nie dit is veilig nie! Hoodia, is een van die slap rieme. Daar is meer van die sg Hoodia in “bottels” op die rakke as wat daar van die betreklike skaars spesie ooit in die veld kan groei.

Van die middels kan inwerk op ander medikasie waarop jy mag wees.

Daar bestaan werklike medikasie wat deur kliniese toetsing gegaan het en voorgeskryf word vir vetsug. Jy ly nie aan vetsug as jy 10kg oorgewig is nie. Dit word meestal voorgeskryf vir mense wat so vet is dat hulle lewe in gevaar is. Dit werk op die brein wat alles beheer. Dit onderdruk die honger deur presinaptiese opname van bepaalde neurotransmitters in die brein.

Dit moet goed gemonitor word en het hulle eie newe-effekte. Dit is nie vir iemand wat vinnig ‘n paar kilogram wil afskud nie.

Wie word vet? en hoekom?

1) Kyk eerste na jou ouers, 4 grootouers en indien moontlik die 8 agter-groot ouers (se fotos). Dit sal jou ‘n goeie aanduiding gee oor waar jy staan met betrekking tot jou genetika. As die meerderheid maer is, eet jy verkeerd. As hulle dikkerig is, moet jy harder werk 🙂

2) Daar is ‘n nou verband tussen vetsug in kinders en te min slaap snags. Laat jou kinders/babas/tieners lank slaap snaaks. Vroeg bed toe met hulle. Behalwe dat dit tot vetsug lei, het die brein slaap nodig. Dit het te doen met die afskeiding van metaboliese hormone. Vetsug in kinders hou ook nou verband met diabetes tipe 2.

3) Dit blyk dat gene wel betrokke is soos genoem het bo, een is die FTO-geen. Maar werk in die area is nog baie nuut.

4) Dit is nie waar dat ons vet is omdat ons ryker is en dit beter gaan met die wereld nie, baie arm mense is ook vet. Dit het te doen met wat ons eet, wanneer en hoe. Inteendeel van die armste mense is vet, omdat die goedkoopste kos, van die grootste gemors is, soos blokke margarien ect.

Later meer oor mikro- en makro nutriente. En oi vei, moet tog nie selenium-pille, koper of chroom drink nie, jy het spoorelemente daarvan nodig. Jy het nie die pil nodig nie! Jy maak iemand ryk en jy lyf ongelukkig.

Advertisements

My vorige lewe . . .en ‘n swart aura

Augustus 5, 2008 in pseudo-wetenskap
Sleutelwoordw:airy fairy, brein, hipnose, vorige lewe

Die wierook om die man met die wilde bos krulhare is amper verstikkend. Hy looooeeerrr vir ons.

Buite dans die airy fairies om ‘n tepee en eet organiese kos. Dit is nog lank nie tyd vir organiese kos om mode te wees nie, en mens kry dit ook nie op Woolworths se rakke nie. Want dit is 1995 en die airy fairies plant hulle eie wortels op kraalmis.

Ons het ure gery om by die saamtrek te wees. Ek is so bietjie dikbek, want ek dink dit is alles ‘n klomp kraalmis soos die konkoksie waar die mense hulle groente groei. Ek dink ook hulle kos wemel van bakeriee, juis omdat hulle dit so groei in skoon mis. So ek weier om te eet.

Dis net klokkies wat lui en kristalle was ten duurste verkoop word. Die vroue se beenhare, wat onder hulle lang rompe uitsteek is so lank, vir ‘n oomblik dink ek hulle het almal ‘n velsiekte. Maar nee hulle kweed ware pelse! Toe een haar arm optel dag ek dis ‘n man in drag.

Die man wat voor my en ‘n vriendin sit, is glo nogal bekend. Maar sy oe is so wild soos ‘n jags buffel s’n. My bek is nog dikker omdat hy ons R350 vra vir sy dienste. Ek is in die ding-in gepraat. En ons het nou sover gekom. Hy gaan in ‘n tipe trance in dan kan hy “sien” wie jy in jou vorige lewe(ns) was. Hy teken dan die vorige jy. Maar ek is ook nuuskiering om te sien wat kom uit.

 Sy oe rol in sy kop en sy hand begin oor die papier gly. Sowaar ek dag hy teken ‘n monnik, ja, dit is. Die vriendin, Gerda, op wie se aandrang ons daar is lyk in haar noppies. En toe kry die monnik skielik ‘n gesplete verhemelte en skeel oe. Ek bars uit van die lag.

Die man is woedend, en gluur my aan. Ek het hom uit sy trance gelag. Gerda is woedend. Ek neem die ding nie ernstig op nie.

Ek jammer-jammer met my hande, ek sluk die lag wat in my bors opbou terug. Shame man, en ons almal wil graag iets wonderlik wees in ons vorige lewe!

Die man gluur my nog steeds aan toe dit my beurt is, nou ek gaan seker ‘n mal slang wees/is/was. Hy begin teken. Ah ‘n vrou. Nogal mooi. Hy vertel dat sy in Bedoehin van die Sahara was. Sluier en al.

Die mense OOOHHMMM al om ons. Die een le glad bo-op ‘n harp-tipe ding en dan word hy van onder-af bespeel, sodat die golwe hom kan weetie-wattie.

Die res se Chakras word geharrra. Ek word vertel my aura is pikgietswart en dit sal my baie geld kos om hom skoon te kry na die jare se aanpaksel. Aikona, ek ken daai truuk. Is net vir geldmaak, ek kan nie my aura sien of voel nie. Is nonsens, jy soek net geld vir wind, loop siesa.

“Ek ruik dagga,” se ek vir Gerda. Ek ruk soos ‘n stampkar in haar spore. ‘n Paar ander mense ook. Niemand doen iets nie, beloer my net agterdogtig.

“Ek sweer, ek kan dit ruik. Ek weet hoe ruik dit, en iemand, of ‘n paar mense hier rook dagga,” se ek.

“Wil jy dit nie sommer oor die mikrofoon loop se nie,” se sy. “He? moenie so hard praat nie, ek ruik dit ook. Los dit net.”

Dis hulle auras wat swart is van al die dagga in hulle koppe!

Ai tog, ek het gedink ek gaan hoor ek was ‘n koninging en nou is ek net ‘n trekker in die woestyn, spot ek. Ek kon ‘n grondeis loop insit het.

‘n Vorige lewe?

Ons wil almal graag lank lewe, nog lewe, ewig lewe, jonk bly. Maar sentraal om ons bestaan is, juis dit: lewe en bestaan.

Ek ook, ek glo dat die lewe, soos ons dit ken, heeltemal te kort is. Daar is soveel wat ek nog wil doen -dinge waarmee ek julle nie hier sal verveel nie.

Ek glo nie dat ek ‘n vorige lewe gehad het nie, en die rede is dat ek niks daarvan kan onthou nie. As ek niks daarvan kan onthou nie, is dit in elk geval sinneloos om nog ‘n lewe te he, of te gehad het. Want sentraal aan die lewe is ‘n bewussyn. Indien ander mense glo aan ander lewens, lees mooi: het ek nie ‘n probleem daarmee nie!

Dan net twee dinge wat vir my van belang is hier:

Hipnose en déjà vu

Ek is al gehipnotiseer deur ‘n gekwalifiseerde kliniese sielkundige wat ook ‘n hipnoterapeut is (nie die verspotte swape wat dit was vermaak aanbied op die verhoog nie). Hipnoterapie is een van vele maniere van terapie, vir my was dit ten beste: hoogs kalmerend en ontspannend, soos ‘n lekker lang brein-massering wat jou totaal verfris.

Hipnose laat jou ook niks doen wat jy nie wil nie, nog minder het die persoon wat jou hipnotiseer, beheer oor jou.

Mens raak ook nie skielik wakker uit die terapeutiese hipnose en dan weet jy nie wat om jou aangaan nie, dit is fiksie uit flieks. Jy is bewus van alles, maar kalm daaroor, en kan dit stop sou jy wou. Maar jy wil nie, want dit is nogal lekker.

Wanneer trane vloei loop dit net, daar is nie snikke nie, dit is onbeskaamd, oop en eerlik. Maar jy kan ophou en jy weet jy huil. Jy is in jou onbewuste terwyl jy bewus is daarvan.

Mens se baie hulle onthou dinge, plekke mense wat hulle nooit geken het nie. Dit is ‘n déjà vu – die optiese seinbaan-vertraging. Jy het dit nie lank terug gesien nie, jy het dit sopas gesien, gestoor in die brein en opgeroep. Dit is ‘n familiariteit met voorwerpe – en dit is gesetel in die brein.

Jy voel dit is in die verlede, maar dit het met die hede te doen. Navorsing toon dit het met ‘n seinbaan in die temporale lob te doen. Half ‘n gevoel van die verlede in die hede. Dit is dus nie jou vorige lewe nie, dit is die lewe nou en ‘n truuk van die brein.

(Die possie is spesiaal vir die blogmaatjie wat gevra het 😉 )

Airy Fairies en suikerpille

Januarie 16, 2008 in pseudo-wetenskap
Sleutelwoordw:alternatiewe-gesondheid, anti-depressante, anti-oksidante, nutritional-supplements, pseudo-wetenskap, skeptic

Toordokters is weer met ons: In gesondheidswinkels en die meeste groot apteke. Sogenaamde “nutritional supplements” of voedingsaanvullers kan alles genees of voorkom, as mens die slim bemarkers of twak of die botteltjies en boksies sou glo.

 En dit is presies waar die skeptiese denker se wenkbroue moet lig. Een enkele pil wat goed is vir alles? Dit kan mos nie. En niks op aarde kan mens langer laat leef of jonger maak nie, veral nie ‘n anti-oksidant nie. Inteendeel, in groot hoeveelhede is anti-oksidante die oorsaak van kanker.

In ‘n meta-analise (Jama), ‘n studie wat die resultate van 68 studies onder meer as 232 000 mense vergelyk het, is bevind ‘n oormaat van anti-oksidante (die jongste mode-foefie) is skadelik vir ‘n mens. Mense is mos so: hulle dink hoe meer pille hoe beter. Nie waar nie. ‘n Mens het die vrye radikale in jou liggaam nodig.

Die betrokke aanvullers wat bestudeer is, het die kombinasie anti-oksidante betakaroteen, vitamien A, vitamien C, vitamien E en selenium bevat. (Vitamien C is wateroplosbaar en word deur die liggaam uitgeskei, maar die res van bogenoemde is vetoplosbaar en kan tot toksiese vlakke in die liggaam opbou indien jy te veel inneem).

In die studie is ook geen oortuigende bewyse gevind dat anti-oksidante enige uitwerking op mortaliteit het nie. Dus, dit laat jou nie langer laat lewe nie. (Americal Medical Association, Feb. 2007)

Net so min soos wat ‘n koperarmband ‘n mens se kwale kan genees, so min kan ongetoetsde “natuurlike aanvullers” dieselfde funksie verrig as klinies getoetsde chroniese medikasie. En hoe natuurlik is daai pilletjie in die bottel presies? Het hy nie maar ook deur ‘n chemiese proses gegaan om ‘n pil te word nie?

Daar is wel ‘n reuse verskil tussen sogenaamde “natuurlike” middels in gesondheidswinkels en klinies getoetsde medikasie wat deur die dubbel-blinde, placebo-toets gegaan het, asook deur die portuur-evaluasie-proses: ‘n Mens weet presies wat die werking en newe-effekte van laasgenoemde is, maar oor die kruie-konkoksies in gesondheidswinkels weet jy niks. Jy weet nie eens of daar kontra-indikasies is met ander middels is nie. Ek sou dink is dobbel om dié konkoksies te drink.

Dagga, slaggif en kokaïen is ook natuurlike middels en hulle allermins “gesond”. Dees is alles met die etiket natuurlik kwansuis gesond. Dink jy werklik daardie kruie wat jy so ruimhartig drink is goed vir jou? Wat doen dit aan jou lewer en niere? Kan dit  saam met ander middels geneem word?

Die middel kava-kava is byvoorbeeld in Brittanje verbied, omdat mense daarvan dood is. Net so kan St. Janskruid (St. John’s Wort) dodelik wees saam met anti-depressante.

Anektodes….My ouma sê:

Net omdat mense se sus of so werk vir ‘n bepaalde kwaal is dit geen wetenskaplike bewys van ‘n produk se sukses nie. Dit moet portuur-toetsing ondergaan. En die konksies wat verkoop word as natuurlike aanvullers en dies meer gaan NIE deur die streng klinies en etiese toesing nie. Jy weet dus nie wat jy drink nie.

En die meeste bemarkers van die kwakprodukte is lief om te sê “duisende mense is gelukkig met die produk”. So? Dit bewys niks.

Dit is geen bewys van effektiwiteit nie. Net omdat duisende mense gebraaide hoender geniet beteken dit nie dit is ‘n gesonde produk nie.

En in vitro-toetsing is beteken ook net die produk is in proefbuis getoets. Dit beteken glad nie die uitwerking is op die menslike liggaam getoets nie.

Suikerpille

Drink ‘n pil en voel beter…. En hoekom “werk”  al die konkoksies. Die krag en mag van die placebo. Dit kan selfs in MRI’s gesien word wanneer mense suikerpille ingegee word, hulle voel sommer dadelik beter. Maar dit is weer ‘n onderwerp op sy eie vir ‘n volgende keer.