Hoekom het sommige kinders (of sommige volwassenes) Ritalin nodig?

Die antwoord is eenvoudig: Die brein het dit nodig. Omdat dit in dele van dié komplekse orgaan is waar die chemiese wanbalans lê van mense met aandaggebrek-hiperaktiwiteitsindroom (AGHS) of aandaggebreksindroom (AGS).

Onkunde het ongelukkig onder meer daartoe gelei dat dié middel gebrandmerk is, soos met baie ander chroniese medisyne, tot nadeel van dié wat dit die nodigste het.

Ritalin en die ander handelsname (Ritalin LA en Concerta) wat vir dié toestande voorgeskryf word, se aktiewe bestanddeel is metielfenidaat,wat medies beskryf word as ’n stimulant. En dit is onder meer dié beskrywing wat tot ’n veldtog teen die middel gelei het, veral onder sogenaamde alternatiewes wat dié mediese term dikwels verkeerd verstaan.

Dit kan ook die eetlus demp en sommige mense, veral volwassenes, bekom die middel op een op ander manier sonder dat hulle siek is, om gewig te probeer verloor.

’n Stimulant beteken medies dat ’n middel dopamienvlakke in die brein verhoog, niks meer of minder as dít nie.

As dit vinnig verhoog of baie hoë vlakke word bereik, kan ’n mens ’n sogenaamde high hê, soos met dwelmmiddels. Ritalin verhoog ook dopamien, maar werk heeltemal te stadig as dit per mond ingeneem word om werklik as ’n dwelmmiddel te dien,veral nie in die doserings wat vir AGHS gebruik word nie.

Metielfenidaat verminder die ooreffektiewe opruiming van dopamien in die brein, sodat boodskappe in die brein beter herlei kan word.

Baie mense glo dat indien hul kind AGS/AGHS het, hy net reg hoef te eet/en of omega 3 en 6 aanvullers kan neem, sonder medisyne?

Die onderliggende probleem in sowat 70%vandie gevalle is ’n oorregulering van die opruiming van dopamien in die brein. Dit is dus ’n baie spesifieke patofisiologie en het niks met dieet te make nie.

Die ander 30% het ander oorsake, wat ook nie gesond geëet kan word nie. Almal betrek dopamien en/of norepinefrien, maar dit het nie spesifiek te doen met die opruiming (van dopamien) nie – moontlik eerder dat seinbane in die brein beskadig is of nie ontwikkel het nie.

Daar is omtrent ’n 30%-kans dat sekere voedselsoorte wel hierdie kinders se gedrag kan vererger.

Behandeling met dieet alleen is selde suksesvol op lang termyn, maar kan deel wees van die holistiese benadering. Medikasie moet nie uitgestelword net omdat die dieet eers aangepas moet word nie.

Kenners sê dieet allen is nie die oplossing nie, hoewel slegte eetgewoontes die probleme kan vererger.

Navorsing oor omega 3 en 6 toon dat dit ’n persentasieverskil kan maak, maar dit is aanvullings en moet in die regte verhoudings geneem word. Dit is nie ’n gelyke met medisyne nie. Hoekom ‘n kind laat swaarkry? Want die kinders word ook sosiaal verstoot.

In 80% van gevalle is die oorsaak van dié toestand geneties en die res is te wyte aan premature geboorte, trauma tydens geboorte en moeders wat tydens swangerskap gerook of gedrink het.

Die middel behoort voorgeskryf te word aan alle kinders met simptome van AGS/AGHS en waar dit ’n negatiewe impak op hul skolastiese asook hul sosiale ontwikkeling het.

Daar is nie ’n toets vir AGS/AGHS nie. Wat nodig is, is ’n deeglike geskiedenis oor ’n lang periode van die kind se gedrag, veral in samewerking met die klasonderwyser.

Dit gaan oor hoe die kind se gedrag hom op vele vlakke affekteer. Geheue en konsentrasie is hier onafskeidbaar, want die twee beïnvloed mekaar.

Met Ritalin verbeter ’n mens die kind se geheue, deur die uitskakeling van onnodige stimuli. Jy gee aan hom die vermoë om te fokus. Daardeur kan jy die kind help om baat te vind by die ander terapie wat jy aan hom bied, soos remediëring en sielkundige behandeling.

Indien mense nie behandel word nie, is hulle geneig om later in hulle lewe hulself te medikeer, gewoonlik omdat hulle ’n gevoel van onderprestasie het, ’n lae selfbeeld het en depressief is. Die voordele: verbeterde aandagspan, luistervaardighede, geheue en vermoë om te organiseer.

Dit verminder hiperaktiwiteit, impulsiwiteit en aggressie.

Raadpleeg ‘n pediater of neuroloog.

Wat is die toestand?

Daar word na aandaggebrekhiperaktiwiteitsindroom (AGHS) en aandaggebreksindroom (AGS) gesamentlik verwys as een term, AGS/AGHS, omdat ’n mens aandaggebrek kan hê met of sonder hiperaktiwiteit.

Volgens die diagnostiese kriteria van die Diagnostiese en Statistiese Handleiding vir Psigiatriese Siektes (DSM IV) is daar drie subgroepe of simptome wat kinders toon:

. aandagafleibaar sonder hiperaktiwiteit of impulsiwiteit (AGS);

. aandagafleibaar met hoofsaaklik hiperaktiwiteit en impulsiwiteit (AGHS); en

. ’n kombinasie waarin die kind definitief konsentrasieprobleme het, maar ook impulsief en hiperaktief is.

Talle ander faktore moet eers uitgeskakel word voordat só ’n diagnose gemaak kan word, omdat ander toestande simptome kan veroorsaak wat soos AGS/AGHS kan lyk weens die invloed wat dit op die kind se aktiwiteitsvlakke het:

. Allergieë en asma. (algemeen)

. Diabetes/hipoglisemie

. Gehoor en sigprobleme. Die werk van kinders wat nie goed kan sien of hoor nie, sal nie behoorlik gedoen word nie en hul aandag sal afgelei word.

. ’n Ystertekort kan tot aandag en impulsiwiteitsprobleme lei.

. Loodvergiftiging lei tot hiperaktiwiteit (raar)

. Leerprobleme kan tot hiperaktiwiteit lei.

. Emosionele probleme en mishandeling


  1. Baie interessant. Hoewel ek steeds glo dat daar te veel kinders op Ritalin behandeling is sonder die nodige terapie en remediering. Sodat die klasjuffrou kindertjies kan he wat tjoepstil sit vir vier ure.
    Ek stem saam dat as dit jou kind so affekteer en hy werklik ‘n diagnose van ADHD het, medikasie nodig is.

    Maar waragtag nie op die skaal waarop dit tans gaan nie.

  2. Het ek nou weer ‘n tamelletjie gerol hier? Rosa ek is geen deskundige op mediese gebied nie. Ek voel dat deesdae daar sommer links en regs medisyne uitgedeel word. Elke dag word meer sindrome ontdek en dan is daar sommer ‘n pil reg vir dit. Ek vermy medisyne soos die pes, veral as dit kom by anti-biotika. Selfs kopseer pille sluk ek maar swaar. “Suffer” maar liewer. Dalk is ek maar net baie skepties. Dit is nou maar net ek.

  3. Rustig: Nee jy het nie, jy het my ‘n idee gegee, dankie: ) Ritalin is een van die oudste medikasies op die mark, al sedert die 1944’s , en van die mees bestudeerdes!

    Hierdie sindroom is ook nie nuut die. die probleem is behandel jy dit nie strem dit die kind se ontwikkeling so, hy kry nie gelees, geskryf en gesosialiseer nie, later in die lewe sit jy dalk met middel-afhanklikheid, ongeletterdheid – ‘n legio van dinge

    Carina: Die middel is definitief nie daar om ouers en/of onnies se lewe makliker te maak nie. Dit moet ook nie vir die kind gegee word oor naweke of in skoolvakansies nie. Dit is net vir skoolure sodat die kind kan konsentreer.

  4. Moet sê het slegte ondervinding. My een dogtertjie was in gr 1 en lees al van sy 4 is. So obviously was die kind verveeld. Toe sal die juffrou die cheek hê om vir my te vra of ek haar nie op Retalin wil sit nie, want sy gee nie aandag in die klas nie! So ek dink SOMMIGE onderwysers gryp na dit vir enige rede.

  5. williewragtig

    Sjoe, Rosie

    Ek het ook my ore uitgeleen vir die anti-ritalin brigade. Ek sien nou dat dit sy plek het. Is die gevaar nie eerder die voor skryf sonder ‘n behoorlike diagnose nie. Dink jy dat dit dalk in baie gevalle gebeur en te vinnig na ritalin gegryp word?

    Roos, ek sal graag want dit lyk my jy is ‘n onuitput bare bron van kennis en om aan te sluit by my blog die vraag wil vra oor medikasie vir gewigs verlies.

    Ek het eers nie gedink so iets bestaan nie, my algemene praktesyn het iets voorgestel. Ek het onmiddelik vasgeskop.
    Ek sal uitvind wat die middel is en terug kom na jou.

  6. Ek is ongelukkig ook een van die wat nie ‘n goeie ondervinding met my een seun gehad het nie. Hy was ook op Ritalin geplaas op die onderwyseres se aanbeveling. Ek wil net noem dat altwee my kinders was hiper-aktiewe kinders. Regtig soos in erg. Maar dit het my nooit gepla nie, ek was gewoond daaraan, ek het nie anders geken nie. Rosie die kind het naderhand soos ‘n Zombie rondgeloop, en op dokters en sielkundige aanbeveling is hy daarvan afgehaal en ons het hom ekstra aktiwiteite en klasse laat loop. En gelukkig was dit ‘n goeie einde.

    Maar twee van my vriendinne se kinders is op Ritalin en hulle kyk nie weer terug nie. Die kinders het goeie vordering gemaak.

    Interessante inskrywing gewees!!

  7. Zee

    Roos…

    Ek hoor wat jy hierso skryf maar ek het ‘n slegte stelletjie met die medikasie afgetrap met my seun. Dalk was hy TE veel gegee om te drink maar dit het hom ook soos ‘n Zombie soos Wip hierbo noem gemaak. Hy was by ‘n neuroloog gewees wat epilepsie en AGHS by hom gediagnoseer het. So hy sowat 300mlgram Eplim 3 keer n dag gedrink en was ook op Ritalin. Dalk was die nie so goeie kombinasie nie.

    Kan dit wees dat mense wat vatbaar is aan verslawing (Verslawende persoonlikheid) nie hierdie soort medikasie moet drink nie. Ek is maar ‘n leek op hierdie gebied, maar nadat ek gelees het dat dit ‘n kiddie cocaine” is, sal ek as Z dalk eendag om dit gesit moet word verseker nee sê. Dis hoe ek nou daaroor voel –

    Jou skrywe – In 80% van gevalle is die oorsaak van dié toestand geneties en die res is te wyte aan premature geboorte, trauma tydens geboorte en moeders wat tydens swangerskap gerook of gedrink het – Z is aan die blootgestel, en dalk is dit ook nog geneties as ek aan sy pa dink.

    Ek sê nie nou dat hy wel die medisyne sal moet gebruik nie, want sover toon hy geensins enige simptome nie, maar ek bly maar bang jong.

    Maar so Wip ook weer hierbo sê, ken ek ook kinders wat op dit is, en dit gaan baie goed met hulle.

    Jis, vandag laat jy weer baie dink, wat is die beste vir ‘n kind, jou slegte ervaring met hierdie tipe medikasie, of trust jou neuroloog en pediater dat hulle nou, 15jaar later, tog meer weet oor hierdie siekte toestand.

    Dankie weereens dat jy altyd sulke goeie ingeligte post vir ons leke doen!!

  8. Ek leef elke dag saam met ‘n volwasse ADD lyer. My seuntjie toon simptome, maar is nou 3.5 en ons gaan beslis nie nou ook op die bandwagon klim met hom nie. Ons hanteer dinge soos dit kom en maak ingeligte besluite. My man neem daagliks 54mg Concerta en wanneer hy swot ‘n addisionele dosis Ritalin. Ek het self al lang bakleie baklei oor mense wat weier om hul kinders te medikeer, dit grens vir my aan kindermishandeling. En ek moet dit duidelik maak dat slegs ‘n pediater en/of ‘n neuroloog wat spesialiseer in ADHD volgens my mening kan besluit of ‘n kind ADHD het al dan nie! Ag ek gaan nou eerder loop. Ek raak te opgewonde! Net vir die wat wonder – volwasse ADHD bestaan.

  9. Dankie. Dis interessant. Waardeer jou moeite.

  10. PEDIATERS, moet hierdie middel voorskryf, nie onderwyseresse nie. Daar behoort ook ‘n assesering gedoen te word deur ‘n kenner in remmediering.

    Boervrou: wel dit is nie vir die onderwyser om te se nie, dit is soos ke hierbo gese het, regtig iets vir ‘n pediater saam met ‘n remedierende assesering deur ‘n kenner.

    Williewragig: Daar is skitterende pediaters in hierdie land, en daar is pediaters wat net konsenteeer op hierdie siekte. In daardie gevalle nee, die betrokke dokters diagnoseer nie verkeerd nie, hulle sal ook nie sommer voorskryf nie.
    GP’s het nie kennis van die goed nie.
    Ja, daar is medikasie vir oorgewig.

    Wippie: ek hoor wat jy se, alle medikasie is nie vir almal nie. Die pil moet die kind kry so 15 minute voor skool en dit behoort “uitgewerk” te wees teen die tyd dat die skooldag om is. Indien hy ‘n zombie was, was die dosis te hoog.

    Zee: Mense wat geneig is om verslaaf te wees, of die risiko toon om middelafhanklik te raak moet juis behandel word. Want weet jy, as hulle nie behandel word nie ‘self medicate’ hulle later sommer met enige iets en uiteindelik met dwelms en/of drank. Juis van die emosionele pyn ontslae te raak. Hulle moet so stabiel as moontlik gehou word. Sekere mense is meer geneig tot verslawing en dit blyk dat dit geneties is. Al die gene en seinbare is nog nie gevind nie, maar baie werk word gedoen.
    Dis nie kidde cocaine nie, lees weer hierbo hoe werk ‘n stimulant. Daar is wel volwassenes wat dit misbruik.
    Zee, jy is ‘n stunning ouma vir Zeethan. Drop my ‘n mail as jy wil. Daai rakker lyk vir my 100%.
    Mens kan die toestand suksesvol behandel (ADHD). Fetale alkolhol-sindroom is iets wat ook gebeur weens die ma se optrede en dit is eintlik nie regtig so behandelbaar nie, die skade is permanent. Ek ek verseker jou nou, Zeethan het dit nie, want sulke kinders het ongelukkig spesifieke kenmerke aan die skedel. (Om dit te kry moet die ma geweldig drink, en dit kom toenemend voor by haar 2de, 3de en 4de kind. Dus, hoe meer kinders sy het en hoe meer sy drink hoe erger word dit.)

    Ogies: Jy is 100% reg in ALLES wat jy hier se, dankie vir jou inloer en insette. dit is ongelooflik waardevol. Net omdat iets geneties is, beteken dit nie die nasate gaan dit kry nie. Dit is ‘n mediese term om te verduidelik dat dit bv nie ‘n virus/bakterie/vector is nie.
    soos ek hierbo se net ‘n pediater of neuroloog
    Ja volwasse ADHD bestaan.
    Moet asb nie ontsteld wees nie, die inskrywing is juis bedoel om mense in te lig😉

    Mnr Muller, dankie vir die inloer.

  11. Ek stem ten volle saam. Geen opvoeder kan so ‘n middel afdwing of voorskryf nie. Gewoonlik gaan so ‘n besluit gepaard met ‘n waarnemingsperiode of twee waar die opvoeder vraelyste voltooi. Daarna word die inligting aan die pediater of skooldokter oorhandig en dié besluit of daar werklik ‘n probleem is al dan nie. Baie dokters beveel aanvanklik vitamien aanvullings, ‘n beter daaglikse roetine en ‘n aangepaste dieet aan. Daarna word medikasie oorweeg.
    As ‘n opvoeder medikasie aanbeveel, moet ‘n mens eerder mediese raad inwin. Daar bestaan ook ondersteuningsgroepe vir ouers en opvoeders – waar ‘n mens WONDERLIKE leiding kan kry. Moet egter nie die opvoeder se noodroep ignoreer nie. Hulle tel soms iets op wat ‘n mens nie by die huis raak sien nie. Soms is die woeligheid nie ADD/ADHD nie, maar ‘n teken van oogprobleempies of iets heeltemal anders. ‘n Mens moet maar die oë oop hou vir alle moontlikhede – en die remediërende opvoeders nader trek😆.

    Hierdie is ‘n baie oulike inskrywing! Baie dankie.😉

  12. Juffer, dankie vir die inloer, jy is reg, oog en gehoorprobleme is inderdaad ook van die dinge wat eers uitgeskakel behoort te word. En ‘n behoorlike assesering is ook nodig. Dankie vir jou bedrae.

  13. Ek dink daar is te veel kinders op dit. ‘n Maklike uitweg. Maar waar dit wél nodig is, inderdaad ‘n goeie ding. En asseblief, geen onderwyser of enige ander sogenaamde “versorger” met hoeveel kamstige ondervinding kan ‘n diagnose in hierdie verband maak nie. Spesialiste, en nie sommer jou huisdokter nie, soos ‘n kinderpsigiator, moet dit voorskryf. Ek raak sommer woes beduiweld as ek hoor hoe mense sommer lukraak in geselskap opmerk so en so is hiperaktief en moet op Ritalin gesit word. ‘n Magiese kuur vir volwasse frustrasie, as dit nie na behore voorgeskryf word nie.

  14. Emil, jip is presies wat ek ook se.

  15. My dogter het my gister uit die bloute gevra om Ritalin te kry, want sy sukkel om te leer (matriek), sy sê sy kan nie konsentreer nie, wat moet ek nou doen😦

  16. Is daar dan ‘n verwantskap tussen depressie en AGS?

    Ek dink kinders word dalk te maklik op R geplaas maar ek het die groot verskil gesien in meneer H se seun se gedrag met en sonder die medikasie. Dit werk regtig in party gevalle.

    Ek aan die ander kant is te lui om aan AGS te lei…..

  17. Girl: Die spesifieke sindroom maak jou nie noodwendig hiperaktief nie, dit kan jou aandagafleibaarmaak, soos in die tipes wat ek hier beskryf het, sonder hiper-aktiwiteit. dit is hoekom dit soms verkeerd gediagnoseer word. Dit is baie keer die “dromerige kind wat nie kan fokus nie” wat dit ook het.
    Sover ek weet is daar nie ‘n verantskap met depressie nie.
    O ja, en baie welkom hier.

    Koeksister: as jy kind nog onder 18 jaar is, neem haar na ‘n pediater, andersins na ‘n psigiater, dit is nie sommer net vir voorskryf nie. daar kan ander oorsake wees.

  18. Martie

    Ja daar is ‘n stigma aan Ritalin – en ek sal nie self my kinders daar op sit nie. Maar daar is ook ander middels soos Concerta en Strattera wat werk. Strattera is ‘n nie-stimulant. ADHD is ‘n mediese toestand en tensy jy ‘n ouer is van ‘n kind met die toestand (nie noodwendig hiperaktiwiteit maar ook aandag-afleidbaarheid), kan jy nie sommer oordeel nie – stap eers ‘n myl in so ‘n ouer se skoene, en leef eers ‘n dag soos die betrokke kind, met die negatiewe kommentaar van ouers en maats oor sy “domgeit” of gedrag …

  19. Martie, met resprek, ek dink nie jy lees mooi nie, ek praat dan van:

    aandaggebrek-hiperaktiwiteitsindroom (AGHS) of aandaggebreksindroom (AGS).

    Laasgenoemde IS “aandagafleibaarheid” se korrekte naam.

    Die stigma daaraan is weens mense se onkunde. Niks anders nie.

  20. Goeie dag

    My 8 jarige dogtertjie is op rittelin en ek het die naweek een van die tablette vir my man gegee. Dit het wonderlik gewerk nou het ek gewonder na watter spesialis of sielkundige moet ‘n mens gaan om as groot mens gediagnoseer te word. Ons is in die groblersdal area maar ons kan pretoria toe gaan het jy miskien kontak besonderhede .

    Groete

    Franci

  21. Mamma van ADD

    My seun is nou 17, en is 11 jaar gelede gediagnoneer met ADD, ons het begin met Ritalin, La en is nou op Concerta 54mg. Ek kan boeke skryf oor hierdie geval,en dit is ‘n pas wat jy as ouer stap met ADD,dit verg baie geduld, en jy moet op hoogte wees van die toestand,sodat jy jou kind kan verstaan en bystaan. Ek slup alle artiekels en boeke op,net om vir my kind ‘n ma te wees wat verstaan,want in die skool word hulle gebrandmerk as stout en ongehoorsaam,maar niemand weet hoe hierdie kinders “operate” nie. Die gevolg was,dat ek my seun uit die skool moes haal vir tuisondderrig, ons het vir hom sy eie tutor aangestel,en hy het begin leef,hy is raakgesien en het persoonlike aandag gekry,sy skoolwerk het baie verbeter. Wat ek hiermee wil sê,is dat ADD kinders NIE oorleef in groot klasse nie,hulle raak weg,kleiner klasse waar die kind personlike aandag kry, is die antwoord,en dan ook verkieslik onderwyssers wat weet hoe hierdie kinders,dink en doen. En mediekasie is UITERS belangrik,jy as ouer het ‘n verantwoordlikheid teenoor jou kind. Laat die regte toetse by die regte mese doen. As jou kind ‘n hartdefek gehad het,sal jy verseker toesien dat hy die regte behandelik kry,ten einde te sorg dat hy ‘n kwaliteit lewe ly,dieselfde met ADD.

  22. Hallo Mamma van ADD, dankie vir jou bydrae, is jy bewus van die steungroep wat daar is vir ouers?
    Meer by:
    http://www.adhdsupport.co.za/

  23. Anrie

    Ek is al moedeloos oor my kind se probleem met konsentrasie. Sy is so in haar eie wereld. Sukkel met doen va huiswerk en aanpassing by nuwe skool. Ons het verhuis na n ander dorp. Sy was in n baie klein skooltjie en moes toe in die groot skool met baie kinders en onderwysers instap. Ek het haar by nieroloog in Pta gehad en is toe getoets met epelepsie in linker brein en die het toe gese ek moet haar maar op die kalmeermiddel hou waarop sy is en na drie maande terug bring. Ek het haar op konsentraiekoktail gesit maar het nie regtig n verskil gesien nie. Sy is nou 5 dae op retalin en ek kan al n verskil waarneem. Sy is meer opgewek en is nie so skouers wat hang en wil nie meer skool toe gaan nie. Ek hoop maar ek doen die regte ding. Lekker week verder. Groete Anrie.

  24. Liza

    Liza,
    my seuntjie het adhd – en dit hoef ek nie eers na allerhande dokters toe geneem het om uit te vind nie – hy het dit nou al vir omtrent 3 jaar – en dit het my nou al op so uiterste – dat ek nou vandag met Retalin gaan begin vir 2 weke – hy gaan ook vir bloedtoetse – ek het nou al by die 4de dokter raad gaan vra – en uiteindelik hoor iemand wat ek se. dit is ‘n vreeslike ding – jy kan nie indink hoe om te voel omdat almal dink jou kind is hierdie stoute brat nie – en jy kan hom nie alleen los vir 5 min nie dan vang hy (en sy sussie) die vreeslikste goed aan – hulle twee kan in ‘n half uur die hele huis omkeer – elke kamer omkrap en alles uit die kaste gooi en met dit speel (komberse, klere ens..) en dan die een oomblik huil hy – die volgende oomblik lag hy, die volgende oomblik baklei hy – ek kan net nie meer nie – dit is net te erg, en ek gee hom bitter min lekkers en verkeerde kos om te eet – omega 3 en 6 aanvullings ens – maar dit help nie. so die’s wat so gou praat oor om jou kind medikasie te gee of nie – leef nie elke dag met dit saam nie. sal weer laat weet oor wat gebeur – want ek wil eintlik dat my seun op stratera of concerta gaan – maar ek het nog net te min inligting oor die medikasies. groete

  25. Eliza En Amla Nel

    Hi My naam is Amla Nel ek het 2 pragtige Kinders die een is nou 14 jaar oud en is ADH en my dogtertjie is 10 en sy is ADHD. Hulle altwee is op medikasie. Die seun is op Conserta en my meisie is op Ritelen. Ek is so bly daar is iemand wat die medikasie uitgevind het want as ma van 2 kinders maak dit die lewe baie maklik. Hulle is nog steed hulle self. Dit help baie met skool werk en konsentrasie. Ek kan nie glo dat perty mense so konplot teen die medikasie het nie. My vrag is. Het daai mense kinders met die selfde probleem en het hulle enige idee wat dit beteken vir kinders???????

  26. Anoniem

    Ek het 2 kinders een op ritalin 20mg LA en die ander op ritilan 10mg. Die een op die La is deur sielkundige en pgisiater voorgeskryf, die ander een het ek op die 10mg gesit, maar ek moet bieg, ek kry nie resultate in die skoolwerk nie. Hulle albei sukkel nogsteeds, waarna toe nou, wat is die volgende stap?

  27. Liza

    hi Anoniem, ek het die 14de Junie ‘n gedagte gelos – my huis dokter het vir hom ook ritelin voorgeskryf – maar die newe effekte het hom te erg geraak – toe het ek hom by ‘n dokter in PTA geneem – en hy het vir my seuntjie strattera voorgeskryf – 18mg – dit het ‘n hele omwenteling in sy skoolwerk gemaak – hy kan nou deelneem in alle aktiwiteite – sy begriptoetse is selfs beter en hy is nou in gr1 – hy sou na spesiale klas gr2 toe moes gaan volgende jaar – maar dit het hom so gehelp dat hy normaal kan funksioneer – al waarmee ek nog bietjie sukkel is sy gemoed – maar sover gaan dit al baie beter – ook in die aand gee ons hom tripeline 10mg – net om sy brein af te skakel en te rus vir die nag. hoop dit kan jou help! net stratera en ritelin kan nie saam gegee word nie volgens die instruksies van stratera se pakkie…

  28. DANKBAAR

    My kind is deur ‘n spesialis gediagnoseer met ADHD (hy was vier op die stadium en is tans sewe) en val ook in die Asperger groep (baie ligte mate daarvan) My huisdokter skryf glad nie my Ritalin voor nie. My kind gebruik tans Risperdal en Ritalin tesame, en ek sien elke ses maande my spesialis vir ‘n aanpassing / opvolg op die medikasie. Tesame met ‘n wonderlike Graad R juffrou hou ons die situasie dop. Ek was baie anti-Ritalin, maar vir my kind werk dit! Hy let op in die klas, en vanmiddag kan hy vir my vertel wat hy in die klas geleer het. Soveel nog, dat sy juffou vir hom ‘n mondelingse opdrag kan gee en vanaand kan hy vir my se dat hy bv. ‘n prent of aktiwiteit vir die volgende dag moet saamvat. Ek het ook ‘n wonderlike spraakterapeut en arbeidsterapeut wat met hom werk – As jy die regte span professionele mense het – is jou kop deur! .

  29. MOEDELOOS

    Net ‘n ma met ‘n kind wat hierdie probleem het, weet waardeur mens as ouer gaan. Ons probleem is dat ek en my man nie oor Ritilin saam stem nie. Ons seun was op Ritilin vir ‘n jaar en ‘n half en het baie beter gedoen. Ons het uitgevind dat daar probleme is met sy oë se vermoë om saam te werk en is tans besig met oog terapie. Daar is ‘n groot verbetering in sy lees maar in sy konsentrasie en vermoë om inligting te onthou, is dit nog ‘n groot gesukkel. Visuele Terapeut glo ook nie aan Ritilin. Pa weier om hom weer op R te sit. Wat nou? Ek kry my kind so jammer. Sy selfbeeld het so ‘n knou gekry in graad 1 en 2 en ons moes hard werk om dit te verbeter. Nou voel dit vir my of ons weer op afdraand pad is.

  30. Losing weight fast needn’t be a drawn out and difficult process, indeed, the weight comes back because the loss is so fast. It has been released as a film in 3 D. It creates an effect similar to osmosis, which is important for individuals who are living with hookworm. The first alters chemical messages to the system.

  31. Ek is 63 en kon nog nooit anti-depressante gebruik nie, ook nie dopamien nie, Het traumatiese kinderjare gehad, ens. My enigste sus het selfmoord gepleeg agv alkoholisme en verslawing aan voorskrifmedisyne. Die lewe is vir my ‘n stryd. ek het by ‘n vriendin 2 Ritilinpille gekry, en het elke 2de dag ‘n halwe gedrink. Daar was defnitief ‘n verskil, amper soos ‘n liggie aan die einde van ‘n tonnel. sal jy dit aanbeveel in my geval? het nie ‘n probleem om’n voorskrif by ‘n GP te gaan soek nie. Ekke.

  32. alta bornman

    middag
    my seun 13 is ook op Rittelik ma die generiese een. Hy drink 10 mg per dag maar kry elke dag n hoofpyn wat sal die rede wees. hy het homself afgehaal maar toe die skole heropen het hulle hom teruggesit onder Pediatriese behandeling
    dankie

  33. Kobus

    Help asseblief my kleinkind hy is 10 jaar oud en sukkel baie in die skool asook sy huis werk dit is nag Hy gebruik Omega 3 6 maar sonder sukses Ons is naby moord Hy kan nie konsentreer lees en sukkel met skryf werk voer nie opdragte uit nie slaap wel rustig is baie maer vir sy ouderdom weeg 25 kg. My vrou is geheel en al teen Ritlitin of enige ander medikasie nie. Voordele en nadele sal waardeer word

  34. Tilla

    Hi daar ek sit met ‘n proebleem my dogtertjie is 7 jr oud en is gedianoseer met ADHD/ADD en ODD eks te bang om haar op Ritalin te sit sy het konsentrasie en ouditiewe geheu proebleme ook. Ek het baie slegte goed gehoor van Ritalin.ek is raad op en wil graag my kind help.kan iemand my asb raad gee.mev Labuschagné

  35. n MA Wat OMGEE!!

    Hallo my seuntjie is not 10 jaar. Is al op Ritalin van hy graad 1 is! En Ja dit is stappe Wat jy Moet van JP was by pediater toe het hy my werwys na n arbeidsterrapeet. Wat hom getoets het. Viesies gespeel gewerk skryf Lees en Al daai goed. Dit was 7sessies 7dae!! Sy het my toe weer terug gestuur na die pediater met n verslag!! En hy het hom
    Op ritatin gesit!! As N KIND OP RITALIN IS EN HY IS SOOS N ZOMBIE DAN IS DIE DOSSES TE STERK!! AS JY EEN GEE GEE NET N HALF!! JP nou Al 4 jaar op Ritalin en ek is nie spyt nie want ek help hom!! Ons hom 2 jaar terug af gehaal maar dit was totaal en Al gahos. Skool week was swak.Hom toe weer op gesit. Die mense se hy is baie stout. Maar hy is nie hy kan nie help nie. Sulke kinders het baie Liefde en geduld nodig!! En medikasie!!
    Groete n MA Wat OMGEE!!

  36. ANEL MALAN

    Ai weet presies hoe julle voel en hoe mens sukkel om eers te besef dat die medikasie nie jou vyand is nie maar op ‘n manier ‘n lewensredder. My seun ook van graad 1 af op Ritilin (maar met baie teenkanting van my man en sy familie) omdat hy glad nie kon bybly of selfs deurkom nie. in Graad 3 het iemand weer vir my man vertel hoe “slegs” die medikasie is, en dat hy na ‘n seker “behandeling” sonder dit sou kon klaarkom. Dit was die grootste fout en het my kind baie skade en agterstand op skool berokken. Hy is nou in graad 6 en ons sukkel nog om die agterstand in te haal. Veral in wiskunde en tale. Hy het daai jaar meer op die stoep gesit omdat hy die hele klas ontwrig het en niks tydens skoolure ingeneem nie.

    Slegs ouers wat ADHD kinders het, sal weet waarvan ons praat. ADHD kinders sonder medikasie se inligting wat hul inneem word nie “normaal” gestoor in hul breine. Dit gaan behoorlik by die een oor in en die ander een uit. Soos ‘n Dokter een dag vir my verduidelik het. Dink aan ‘n liasseer kabinet met baie leêrs. Gewone mense/kinders neem inligting in en stoor elke stukkie inligting in die relevante leêr om dit maklik weer eendag te kan oproep. ADHD kinders se inligting word almal net in die liasseerkabinet laai gegooi en as hy inligting moet oproep moet hy deur al daai deurmekaar inligting gaan om dit op te roep. Niks is vir hulle mooi kronologies gesorteer nie en so raak die meeste inligting weg. Ek kon so duidelik met my seun ervaar met spelling leer. Terwyl hy sonder medikasie was, en het ons spelling geleer tot hy paar woorde ken. Dan het hy ‘n rukkie gaan speel bv halfuur en as hy dan terugkom en ek hom weer die woorde vra, het hy dit nie meer geken nie. Dit was ‘n stryd en senutergend. So was dit met al sy skoolwerk. Vir my gevoel soos “‘n Gejaag na wind”.

    Wat ek veral besef nou dat my kind permanent op die medikasie is en sal bly, is dat hy nou kan onthou wat juffrou in die klas vir hulle leer en selfs begin onthou watse huiswerk hy het. Sonder medikasie was hy verniet skool toe en net op almal se senuwees gewerk. Veral die onderwysers wat mens nie kan kwalik neem nie.

    Ek sê elke dag dankie vir hierdie medikasie!! Natuurlik sou ons eerder ons kinders sonder medikasie wou grootmaak maar nou gebruik ons dit om ons kinders se lewe meer normaal te maak en hulle te help. Want hul word definitief gebandmerk as stout en dom. En dit breek ‘n moederhart!!! Sterkte aan al die ADHD ouers en kinders.

  37. Anoniem

    Hosea;4;6-Ek bid en roep tot GOD-Help HERE Jesus help!!!!

  1. 1 Aandagafleibaarheid « My klaskamer

    […] Soek gerus Dr. Christopher Green se boek UNDERSTANDING ADHD op.  Dit het oulike leesstukke in. […]




Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s



%d bloggers like this: