Archive for Mei, 2009

Meneer?

Lekker sit ek die mense en kyk by die verjaardagpartytjie van die vrou wat ek van geen kant af ken nie. Ek het maar net saamgekom.

Hier kom die kelner.

“Meneer, wat wil jy en jou ma drink?”

Liewe fok. Kak se koelte! Lyk ons dan al so sleg?

Twee Tabs.  (Waar is jou gidshond?)

Luister liefie, daai meisie het nou vir my ‘n meneer genoem en vir jou my ma.

“O!”

En so gaan dit die hele aand. Sy kom haar fout flippen nooit agter nie.

En liefie-baas, my ma? Is die mense op tik?

Vanoggend se ek vir liefie-baas wat le en slaap: “Die top van my het gekrimp. Hy was al weer in die droeer. Wat vang julle aan? (ek doen nie wasgoed nie)”

Nee hy was nie.

Dus is ek vanoggend bank toe, met my borste duidelik sigbaar in die stywe top.  Hulle is gewoonlik sigbaar en my baard is altyd geskeer.

“Take a seat, sir.” Nadat ek gepraat het! Gepraat!

Wat de fokken hel?

Advertisements

Hoekom het sommige kinders (of sommige volwassenes) Ritalin nodig?

Die antwoord is eenvoudig: Die brein het dit nodig. Omdat dit in dele van dié komplekse orgaan is waar die chemiese wanbalans lê van mense met aandaggebrek-hiperaktiwiteitsindroom (AGHS) of aandaggebreksindroom (AGS).

Onkunde het ongelukkig onder meer daartoe gelei dat dié middel gebrandmerk is, soos met baie ander chroniese medisyne, tot nadeel van dié wat dit die nodigste het.

Ritalin en die ander handelsname (Ritalin LA en Concerta) wat vir dié toestande voorgeskryf word, se aktiewe bestanddeel is metielfenidaat,wat medies beskryf word as ’n stimulant. En dit is onder meer dié beskrywing wat tot ’n veldtog teen die middel gelei het, veral onder sogenaamde alternatiewes wat dié mediese term dikwels verkeerd verstaan.

Dit kan ook die eetlus demp en sommige mense, veral volwassenes, bekom die middel op een op ander manier sonder dat hulle siek is, om gewig te probeer verloor.

’n Stimulant beteken medies dat ’n middel dopamienvlakke in die brein verhoog, niks meer of minder as dít nie.

As dit vinnig verhoog of baie hoë vlakke word bereik, kan ’n mens ’n sogenaamde high hê, soos met dwelmmiddels. Ritalin verhoog ook dopamien, maar werk heeltemal te stadig as dit per mond ingeneem word om werklik as ’n dwelmmiddel te dien,veral nie in die doserings wat vir AGHS gebruik word nie.

Metielfenidaat verminder die ooreffektiewe opruiming van dopamien in die brein, sodat boodskappe in die brein beter herlei kan word.

Baie mense glo dat indien hul kind AGS/AGHS het, hy net reg hoef te eet/en of omega 3 en 6 aanvullers kan neem, sonder medisyne?

Die onderliggende probleem in sowat 70%vandie gevalle is ’n oorregulering van die opruiming van dopamien in die brein. Dit is dus ’n baie spesifieke patofisiologie en het niks met dieet te make nie.

Die ander 30% het ander oorsake, wat ook nie gesond geëet kan word nie. Almal betrek dopamien en/of norepinefrien, maar dit het nie spesifiek te doen met die opruiming (van dopamien) nie – moontlik eerder dat seinbane in die brein beskadig is of nie ontwikkel het nie.

Daar is omtrent ’n 30%-kans dat sekere voedselsoorte wel hierdie kinders se gedrag kan vererger.

Behandeling met dieet alleen is selde suksesvol op lang termyn, maar kan deel wees van die holistiese benadering. Medikasie moet nie uitgestelword net omdat die dieet eers aangepas moet word nie.

Kenners sê dieet allen is nie die oplossing nie, hoewel slegte eetgewoontes die probleme kan vererger.

Navorsing oor omega 3 en 6 toon dat dit ’n persentasieverskil kan maak, maar dit is aanvullings en moet in die regte verhoudings geneem word. Dit is nie ’n gelyke met medisyne nie. Hoekom ‘n kind laat swaarkry? Want die kinders word ook sosiaal verstoot.

In 80% van gevalle is die oorsaak van dié toestand geneties en die res is te wyte aan premature geboorte, trauma tydens geboorte en moeders wat tydens swangerskap gerook of gedrink het.

Die middel behoort voorgeskryf te word aan alle kinders met simptome van AGS/AGHS en waar dit ’n negatiewe impak op hul skolastiese asook hul sosiale ontwikkeling het.

Daar is nie ’n toets vir AGS/AGHS nie. Wat nodig is, is ’n deeglike geskiedenis oor ’n lang periode van die kind se gedrag, veral in samewerking met die klasonderwyser.

Dit gaan oor hoe die kind se gedrag hom op vele vlakke affekteer. Geheue en konsentrasie is hier onafskeidbaar, want die twee beïnvloed mekaar.

Met Ritalin verbeter ’n mens die kind se geheue, deur die uitskakeling van onnodige stimuli. Jy gee aan hom die vermoë om te fokus. Daardeur kan jy die kind help om baat te vind by die ander terapie wat jy aan hom bied, soos remediëring en sielkundige behandeling.

Indien mense nie behandel word nie, is hulle geneig om later in hulle lewe hulself te medikeer, gewoonlik omdat hulle ’n gevoel van onderprestasie het, ’n lae selfbeeld het en depressief is. Die voordele: verbeterde aandagspan, luistervaardighede, geheue en vermoë om te organiseer.

Dit verminder hiperaktiwiteit, impulsiwiteit en aggressie.

Raadpleeg ‘n pediater of neuroloog.

Wat is die toestand?

Daar word na aandaggebrekhiperaktiwiteitsindroom (AGHS) en aandaggebreksindroom (AGS) gesamentlik verwys as een term, AGS/AGHS, omdat ’n mens aandaggebrek kan hê met of sonder hiperaktiwiteit.

Volgens die diagnostiese kriteria van die Diagnostiese en Statistiese Handleiding vir Psigiatriese Siektes (DSM IV) is daar drie subgroepe of simptome wat kinders toon:

. aandagafleibaar sonder hiperaktiwiteit of impulsiwiteit (AGS);

. aandagafleibaar met hoofsaaklik hiperaktiwiteit en impulsiwiteit (AGHS); en

. ’n kombinasie waarin die kind definitief konsentrasieprobleme het, maar ook impulsief en hiperaktief is.

Talle ander faktore moet eers uitgeskakel word voordat só ’n diagnose gemaak kan word, omdat ander toestande simptome kan veroorsaak wat soos AGS/AGHS kan lyk weens die invloed wat dit op die kind se aktiwiteitsvlakke het:

. Allergieë en asma. (algemeen)

. Diabetes/hipoglisemie

. Gehoor en sigprobleme. Die werk van kinders wat nie goed kan sien of hoor nie, sal nie behoorlik gedoen word nie en hul aandag sal afgelei word.

. ’n Ystertekort kan tot aandag en impulsiwiteitsprobleme lei.

. Loodvergiftiging lei tot hiperaktiwiteit (raar)

. Leerprobleme kan tot hiperaktiwiteit lei.

. Emosionele probleme en mishandeling

wat waar is, belowe

* Daar is niks wat griep genees nie, niks op hierdie aarde nie, al die pille, potions en rate wat ‘n mens hoor – is alles in die kop, of verlig simptome. Dit doen niks aan die virus nie. (Al wat griep klop is Tamiflu (oseltamivir), mits jy dit binne 48 uur neem na die eerste simptome, maar moet dit nie neem vir seisoenale griep nie, mens bou ‘n weerstand op, hou dit vir die moordenaars-griep)

* Pleisters wat mens onder jou voete (of enige ander plek) op jou liggaam plak om te detox – werk nie. Al is die pleister vuil. Dis ‘n kroekery en die pleister word “vuil” deur ‘n chemiese reaksie.  (‘n Mens kan net detox deur jou lewer en niere, nie jou vel nie, en jy kan die natuurlike proses ook nie verhaas deur op ‘n detox-ding te gaan nie. Dit gebeur soos dit gebeur en klaar. As dit nie werk nie, sal jy doodgaan.)

* Vitamien C werk nie om griep of verkoue te voorkom nie. Moenie anti-biotika drink vir verkoue nie. Dinge in ‘n oordosis maak my ongemaklik.

* Kanker is ‘n oorhoofse term vir ‘n legio van siektes. Elke tipe kanker verskil en dit verskil van mens tot mens. Dit hang af van soveel dinge as jy die diagnose kry, ook die tipe kanker. (Moet dus nie sommer net behandeling weier nie)

* Depressie, angs, en bipolere gemoedstoornis is komplekse chemiese siektes van die brein, wat behandelbaar is.

* Geen vitamien-aanvuller kan ‘n glas melk, stukkie kaas, volgraan, neute vleis, vrugte en groente vervang nie. Dis is onwaar dat melk en kaas ongesond is. Dis goed vir jou.

* ‘n Mens het vrye radikale nodig, omdat hulle die vullis uit selle verwyder. Daar is geen rede hoekom jy anti-oksidante moet drink nie. Jy kan alles wat jy nodig het in kos inkry. Daar is bewyse dat te veel anti-oksidante oor ‘n lang tydperk baie sleg vir jou kan wees. Meeste anti-oksidante is vetoplosbaar en jy skei dit dus nie uit nie, dit bly sit in jou.

* Los jou liggaam uit, hoekom wil jy die hele tyd aan hom lol met pille, kruie, lotions en potions wat jy by die health shop en die apteek koop? Drink net chroniese medisyne wat voorgeskryf is. Los die res, dit is nie klinies getoets nie en jy weet nie wat daarin is nie (regtig). Baie van die dinge bevat gevaarlike middels, veral uit die Ooste, en dit val nie onder wetgewing nie. Daar kan enige iets in wees en daar is …

* Sorg dat jou baba en kind al sy entings kry. Dit is lewensnoodsaaklik. Die nuwe mode om kinders nie te ent nie, omdat dit glo outisme veroorsaak is nonsens. Wil ons pokke en polio terughe? Kinders kan nie outisme “kry” nie, hulle word daarmee gebore, omdat dit geneties is.

* Dink mooi voor jy net mode-goed doen…soos om jou kolon byvoorbeeld “uit te spoel” omdat daar sogenaamde “plaak” in is. Los uit jou kolon. Los uit, dis ‘n sensitiewe plek daai, hy het nie plaak nie en hy werk mooi nes hy is.

Net dood

http://bashinginnieboendoes.wordpress.com/2009/05/22/janeth/

Die dood het nooit ‘n rede nie, nie vir my nie. Ek weet mense soek na ‘n rede en na troos, maar ek, ek kan nie.

Dit is maar net hoe ek is.

Boendoe het geskryf oor Janeth wat dood is. Sy het vir my geklink na ‘n besondere jong vrou, een met talent en ambisie. Iemand wat nog moes geleef het. Soos baie, baie ander.

Vir my is daar sin in die lewe. Oor die hier en die nou. In dit wat ons elke uur, elke dag en elke week doen.

Indien ‘n kind, jong mens, of middeljarige sterf, maak dit nie vir my sin om te probeer se: Maar god het ‘n plan gehad nie, of; haar werk was klaar nie, of daar is ‘n plan met alles nie. Dit is nie waar nie, hulle werk was ver van klaar en ek sien geen sin in so ‘n dood nie. Dit is bloot ‘n vermorsing van ‘n lewe.

Ek weet en verstaan wel hoekom ons dit se, om onsself te troos, om dit beter te maak. Maar dit is nie beter nie. Dis rou en seer en die slegte kant van leef.

Ek kan ook nie elke dag skugter leef omdat ek dink daar is miskien dalk net ‘n ander leef vir my nadat ek dood is nie. Want ek weet dit nie. ‘n Nou afskeep-leef, verskoon-leef in afwagting op ‘n tweede leef? Nog ‘n kans vir leef? Nee.

Dood het nie ‘n rede nie en dis bloot net k*k. Dis seer en dis finaal. Dis oor en dis verby.

Jy is net eenvoudig weg. Dit gaan alles oor hoeveel tyd jy het en wat jy daarmee maak.

Maar ek kan dit nie sagpraat of goedpraat nie.

Dood is so werklik soos lewe. Net op ‘n ander manier.

Hail Mary!

Kinders wat in Ierse Katolieke instansies gebly het, derduisende van hulle, het blykbaar die allergruwelikste mishandeling ervaar. Emosioneel, fisies en seksueel.

Die dinge het die afgelope 60 jaar met derduisende kinders in die sorg van die Ierse katolieke kerk gebeur. Hoe lank? 60 jaar! In die verslag word gese die seksuele misbruik van seuns was so erg dit is endemies van aard.

Hail Mary, mother of god. Kyk net wat vang die mense aan! Sleep-sleep hulle rokke en kruise al weer deur jou naam, in jou naam, deur die modder.

‘n Kommissie van ondersoek het tien jaar lank die bewerings ondersoek en dit waar gevind. Meer as ‘n 1000 mense, dit is vreeslik baie mense om na vore te kom en oor sulke persoonlike dinge te praat, het getuig.

“The findings will not be used for criminal prosecutions – in part because the Christian Brothers successfully sued the commission in 2004 to keep the identities of all of its members, dead or alive, unnamed in the report.” – BBC

The Congregation of Christina Brothers wat nou verhoed het dat hulle maatjies se name uitlek, se werk word ironies as volg beskryf: “…chiefly work for the evangelisation and education of youth, but are involved in many ministries, especially with the poor.” Hel, ek sal nie een van hierdie fokkers na by ‘n kind toelaat nie.

Doen iets aan julle pedofiele, ooms in die  Vatikaan. Ek hoop al die mense dagvaar julle uit al julle geld uit. Alles.

Cardinal  Sean Brady, said he was “profoundly sorry and deeply ashamed that children suffered in such awful ways in these institutions”.

EN?

“It documents a shameful catalogue of cruelty: neglect, physical, sexual and emotional abuse, perpetrated against children,” he said

Maar vervolg die mense kardinaal. Of wag jy dat hulle hel toe gaan.

Nou die verwagte teenantwoord: “Sulke goed gebeur orals, onder alle groepe.” Dis nie die punt nie, dit punt is ‘n verslag van 5 volumes is uitgebring, die ondersoek is 10 jaar se werk. Duisende is mishandel en duisende het getuig. Dit is die punt.

En nee, ek het nie iets teen die katolieke as sulks nie, ek het probleme met mishandeling, skending van regte, die onder-die-mat-ingooi-en-hoop-dit-gaan-weg-houdings, kulture wat nie aanpas nie, mense wat nie verantwoordelikheid vat vir dade en beleid nie, en veral as jy goed preach en dit nie practice nie.

 

kato

Bollywoodse krieket

Die Baas kyk nou al vir 127 dae lank die Bollywoodse krieket. Die kinders, wat so lief is vir Animal Planet en National Geographic, het al vergeet daar bestaan sulke kanale.

Elke dag kom ek by die huis ingetrippel in die hoop dat die krieket uitgereent het, maar nee, die mense kry nie huis nie. Naweke spring ons tussen die King Tiger Royals se game en die Bulls. Ek ken net vir WP en lyk my daar is nie meer so iets nie.

As die Baas in die bad is gryp ek die remote en kyk vinnig Sky News en BBC Knowledge. “Sit terug oppie krieket, ek kan die score nog hoor, daar is 10 overs.”

Jinne – over en out ‘n bietjie. Wie noem hulle span die Deccan Knight Chargers? Of so iets?

Kies vir jou ‘n span dan kyk ons hoe vaar hulle?

Okay, ek kies ons span. Die Springbokke.

Daar is nie so span nie. Hulle is gemeng.

Ek weet hulle is gemeng. Dan vat ek die Shaka Zulu Kings. Ons mense.

Nee anders gemeng. Alle lande se mense in een span.

Oh, so! Mumbai Fancy Pants, klink soos iets wat in ‘n comic boek moet wees.

Die Baas: Ek hou net daarvan omdat dit 20/20 is, dit gaan gou.

Ehm, wel hulle kan dit 2/2 maak, dis so sielsdodend-knyp-my.

Daar gaan die remote weer vir die soveelste Saterdag tussen die Bollywood en die ruby. Meisies wat dans, tromme wat slaan, simbale en bekfluitjies.

Goue skutte teen die bene.

Gooi die bal (boul, mens gooi dit glo nie), koes of slaan, hol. Slaan baie ver en jy hoef nie te hol nie. Oor en oor dieselfde. Dit is soooo boring ek wil omval – selfs in die bed. Mens val gelukkig nie ver nie.

‘n Bietjie oor genetika en die dinge, dit is nie moeilik nie. Hier is ‘n vinnige gids.

DNS word geberg as ’n kode wat uit vier chemiese basisse bestaan:

adenien (A), guanien (G), sitosien (C) en tiamien (T).

Die mens se DNS bestaan uit 3 miljard basispare en in die meeste mense is 99% van dié pare dieselfde. Ons is meer dieselfde as verskillend.

Die reeks, of orde, waarin die pare gerangskik is, bepaal die inligting om’n organisme te bou en in stand te hou. Net soos wat letters in die alfabet woorde en sinne vorm. Ons het net sowat 20 000 aangeskakelde (aktiewe gene)

Die basispare: A en T; G en C

Elke basispaar het ook ’n nukleotied: ’n suikermolekule en fosfaat

Die nukleotied: Vorm tweelang stringe genaamd ’n dubbele heliks.

Wat doen dit? DNS maak kopieë van die reeks. Dit is kritiek wanneer selle verdeel dat elke nuwe sel ’n presiese kopie van die DNS in die ou sel is.

Wat is ‘n mutasie? Anders as wat ’n mens in flieks sien, is ’n mutasie nie iets wat ’n “monster” sou skep nie.

Dit is veranderings in DNS wat natuurlik gebeur en is die basis van evolusie. Almal het mutasies in hul genome.

In die reeks segment hier kan ’n mutasie gesien word. G in die vyfde posisie in die eerste reeks het gemuteerna A in die tweede reeks.

CATT G GAATTACTCT

 CATT A GAATACTCT

Hoekom? Dit is byna soos ’n spelfout in die kopiëring van DNS tydens selverdeling en replikasie. DNS-polimerase (’n ensiem) maak ’n kopie van die oorspronklike DNS deurdie DNS-string as ’n sjabloon te gebruik. Soms gebeur dit verkeerd. Een nukleotied kan met ’n ander vervang word. Dit kan ook weggelaat of bygevoeg word.

Nut: Mutasies word gebruik om genetiese herkoms na te spoor. Mense wat dieselfde voorsate deel, deel dieselfde mutasies. Dit verdeel mense in haplogroepe.

Haplogroep? ’n Mens se totale genetiese samestelling is jou genoom, wat jou DNS insluit. ’n Mens kry die helfte van jou genoom van jou ma en die ander helfte van jou pa. (Een ‘n kwart van elke ouma en oupa, ‘n agste van die agter-oupas, en so kan jy aangaan tot derduisende jare gelede – ons is nie net die genetiese samestelling van ‘n ma en pa nie!)

Die genoom word geskommel – as ‘n sperm en eier byeenkom.
Daar is twee genetiese komponente (mitochondriese DNS en die Y-chromosoom) wat redelik stabiel bly in hierdie proses en net nou en dan kom mutasies daarop voor (soos ’n spelfout in die genetiese kode), wat merkers genoem word. Dít word merkers van herkoms genoem.

Wanneer ’n groep mense dieselfde genetiese merker deel, word hulle in ’n haplogroep ingedeel. Dit dui op mutasies wat plaasgevind het in ’n spesifieke tyd en plek in die geskiedenis en dui ook op oeroue patrone van migrasie. Dus, waar en hoe mense die planeet bevolk het.

Almal van ons is in ‘n haplogroep, jy weet net nog nie in watter een nie, oor die nie getoets is nie. Of is dit? Myne is al gedoen.

Vandag? Vroue se mDNS word getoets vir die bepaalde merkers van herkoms, terwyl mans se Y-chromosoom vir hierdie merkers getoets word. Hieruit word ’n mens in ’n bepaalde haplogroep (’n DNS-vingerafdruk) geplaas, en dít is die oergroep waaruit hy of sy kom.
Dit kan tans tot 100 000 jaar teruggevoer word.
Miljoene mense wat vandag leef, sal dus dieselfde haplogroep deel.

geno1

Die ontleding van Rosalind Franklin se sowat eerste 16 000- 17 000 genetiese basispare om die mitochondriese mutasie(s)  en uiteindelik die haplogroep te kry.

Noudat julle doodverveel is, ek vrek hieroor, laat weet oor enige vrae.

Generasie O

Generasie O is amper soos onkruid, hoe vinniger jy hulle uittrek (of hoe vinniger hulle hulself uittrek) so verskyn hulle weer op die toneel.

Anders as ander generasies, is hulle nie beperk tot ‘n bepaalde dekade nie, maar hul kom sporadies en luraak onder alle groepe regoor die wereld voor.

Hulle kan opgespoor word aan die volgende ongeneeslike en onveranderbare gedrag:

– Staan en praat in ingange en deure – terwyl al die ander mense ophoop of soos muise tussen hul deur moet skuur. “Ekskuus!’ help nie.

– Mnr O kyk agtertoe, maar loop vorentoe – binne-in jou vas en kyk jou dan aan asof jy uit die lug geval het. Soos in, “Wat doen jy?”

– Loop so stadig voor jou in ‘n winkelsentrum, jou hare groei. Jy moet tango om verby hom te hom, want hy neem drie mense se spasie in. As hy ‘n trollie het, neem hy ses mense se plek op en jy kan maar solank by die Wimpy gaan eet, want jy gaan nie verby hom kom nie.

– Los om een of ander bisarre rede ” onafspoelbare turds” in openbare toilette. Jy skrik so jy wil eintlik 10111 bel en vra: “Kom help net hier asseblief, hier is ‘n dier wat dalk lewe, of iets”.

– As jy in ‘n tou staan druk hulle of in, of hulle druk-druk jou so in die rug met die hand. Pols jou die hele tyd, so asof jy ‘n masjien is wat getune kan word. Of hulle staan so naby aan jou, dit voel: “Maar die ene gaan nou op my rug klim, my fok, hier voel ek al haar borse plat teen my blaaie.!” Wat issit die?

Vra jy dan, wat gaan aan, kyk hulle jou met sulke dooie oe aan. Wat meen jy, ons staan net in die tou?

Nee, ek dink die mense van Generasie O is aliens.