Archive for Oktober, 2008

wederom na outentiek

ek  gaan vir lank weg, ek sien julle eers teen seker begin desember.

na ‘n land waar glo vroue verkieslik nie alleen moet reis en “very modestly moet dress”. na ‘n antieke beskawing waar die eerste sterrekundiges fenominale observasies gemaak het. waar mense soos nomades in die woestyn woon

 

 

en uniek modderstukture is.

waar die hoofstad net een OTM het en polio, meningitus, geelkoors en tifus nog alledaags bestaan.

dalk vind ek ‘n rekenaar en stuur ‘n boodskap, dalk nie. maar vir nou roep die woestyn my. die mense kan nie my taal praat nie en ek nie hulle s’n nie, behalwe vir ‘n paar woorde. pas my, ek laaik nie van twak praat nie. dus kan niemand met my sit en geselsies maak nie.

speel mooi met mekaar. baai

Advertisements

Meer is nie meer nie, en hoegenaamd ook nie beter nie. ‘n Mens kan deur te veel van sekere vitamiene in pilvorm in te neem jouself vergiftig en selfs sekere tipes kanker aanhits.

Jy kan dit nie te veel vitamiene inkry deur kos nie, onmoontlik (tensy jy ly aan een van ‘n paar uiters unieke genetiese siektes – maar jy sal dit teen die tyd weet as jy so siekte het, want dit word al by babas gediagnoseer). Die gevaar le in die vitamine wat jy by apteke en gesondheids winkels koop en indien jy oor ‘n tydperk die maksimum aanbevole dosis oorskry, van bepaalde tipes vitamiene, is dit soos toksiese elemente in jou vet.

Wateroplosbare vitamiene – Die liggaam gebruik wat hy nodig het en die res word op die gewone manier uitgeskei en eindig in die toilet.

Vitamiene C, B6, B12, foliensuur, niasien, pantoteensuur, B1 en B2 en biotien.

(Rokers behoort ekstra vitamien C in te kry: die beste bronne is: sitrus, aarbeie, tamaties, pepers, aartappels, kool, koejawel en “paw-paw”.)

 

Vetoplosbare vitamiene – die liggaam gebruik wat hy nodig het en die res word gestoor in jou vet, moet nie te veel antioksidante gebruik nie.

Vitamiene: A, E, D, K (A, E en betakarotee is natuurlik gewilde antioksidante, wees versigtig).

Dit het mode geword om antioksidante te neem asof dit die suksesverhaal tot alles is. Daar is al herhaaldelik bewys dat dit verband hou het kankers en hartsiektes. Te veel antioksidante lei daartoe dat jy geen vry radikale het nie. Dit is sleg vir ‘n mens omdat vry radikale die liggaam se vullisverwyderraars is. Of, neem jy te veel tree die antioksidant soos ‘n abnormale vry radikaal op.

Ek self neem geen antioksidant  nie, ek vermy dit op alle produkte, omdat ek meen nie vry radikaal en antioksidant balans in my liggaam is soos dit is. Dit sorteer hom self uit. Hoekom sou ek met dit wou lol? Dit raak al moeiliker dit word in alles geprop. Ek kry dit in deur gewone kos en dit is vrekmaklik ook.

Die neem van antioksidante in groot dosisse, soos wat mense deesdae doen, oor ‘n lang periode is nadeling (Jama meta-studie 2007).

Daar is bewyse dat meer as 500mg vitamien C skadelik is vir DNS, mense soos Patrick Holford, is voorstanders hiervan.  Hy het nog nooit kliniese toetste gedoen nie, en sy werk is nog nooit deur portuur evualusie goedgekeur nie, mens soek verniet na sy navorsing by PubMed.

Wie behoort aanvulligs te neem?

Kinders onder 6 jaar is seker die belangrikste (hoor by ‘n pediater wat presies), mense met enige siekte wat die immuniteitstelsel aanstas, mense bo 65 jaar, indien jy ‘n bepaalde genetiese toestand het wat dit vereis soos deur ‘n dokter aanbeveel. Maar dit moet ‘n multi-vitamien wees, bly weg van enkel-aanvullers. Swanger vroue en vroue wat borsvoed, maar hoor by jou ginekoloog watter een is die beste.

Daar is ‘n paar geheime, wat niemand hard-op wil se nie, oor hoe ‘n mens maer(der) kan wees. Dit is ongelukkig nie in honderde botteljies op die rakke wat baie van ons al probeer het nie.

Inteendeel ek wil vandag ‘n waarskuwing rig aan almal wat al dieetpille of die sogenaamde natuurlike middels, “fat-burners”, metabolisme-versnellers of enige ander van die middels gebruik wat daarbuite te verskwansel word. Kom ons kyk daarna, stap vir stap.

Fat-burners, diete en jy:

Daar bestaan nie so iets soos ‘n “fat-burner” in pilformaat nie, regtig. Dit is alles ‘n geldmaakfoefie, lees mooi, dit moet saam met ‘n dieet geneem word.

Daar is net een manier om vet te verbrand: Die liggaam moet dit self doen deur energie-verbruik. Jy neem een koppie kos in, maar jy spandeer die hoeveelheid energie (oefening) wat een en ‘n halwe koppie kos verteenwoordig. Om dit te doen gaan kry jou liggaam die brandstof in jou reserwes, jou vet. Wanneer die vet op is, sal jou liggaam sy spierweefsel verteer (wat baie gevaarlik is). En al hoe om dit te doen is oefening of minder eet.

Indien die dieet te streng is (te min kos) sal jou liggaam juis vet begin stoor, omdat die brein dink hy is in ‘n oorlewingsituasie en al minder energie verbruik. Dit is hoekom jy traag voel, kopseer kry, naar voel en dies meer. En gewig optel as jy meer as twee krummels eet. ‘n Dieet moet oor ‘n lang tydperk geskied. Of, dit moet nie eens ‘n dieet wees nie, maar ‘n verandering in leefstyl.

Die antwoord is ook nie hope pille en aanvullers nie, jy moet dit deur kos inkry: Suiwel, stysel, groente, vrugte, proteiene, vet (dis nodig).

Diete waar mense net een ding eet, soos druiwe, vleis, bruinrys of watookal is hoogs ongesond en ontneem jou liggaam van sy nodige. Dit is dom. Jy moet iets van alles inkry. Dit is mode om suiwel uit te sny, dit is seker een van die domste dinge wat vroue en mans kan doen, omdat dit lei tot osteoporose. Almal van ons begin been verloor.  (Een uit vier vroue en een uit agt mans oor 50 jaar kry osteoporose en meer as 70% van alle heupbreuke is weens die siekte).

Kalsium en magnesium-aanvullings gaan jou nie help nie – nog ‘n lekker geldmaak-bedryf. Die “aanvullers” se beste opsie is swak, dit beval kalsium-karbonaat (eet liewer ‘n stuk bordkryt – is goedkoper) wat op sy beste 40% kalsium bevat, die ander opsies kalsium-sitraat is nog swakker.

Drink melk, eet kaas en yohurt, en groente waarvan die kleur groen is.

 Jy moet jou bene bou voor 40 (deur bogenoemde te eet, oefening te doen en sonlig te kry). Indien jy die siekte het (doen ‘n beendigtheidstoets as jy oor 50 is) kan jy ‘n bepaalde middel (behoorlike getoetsde medikasie) weekliks neem, of die jaarlikse binne-aarse toediening kry. Dit keer die verbrokkeling van bene en bou dit effe. Voorwaar, tans een van die mediese wonders.

Herhaalde diete ontneem jou bene van die allerbelangrikste voedingsmiddels. Been is lewende weefsel wat voortdurend hernuwe word in ’n proses waarin ou beenweefsel verwyder en deur nuwe been vervang word. Bepaalde selle (osteoklast) verweer die been en laat klein gapings, waarna ander selle (osteoblast) die gapings met nuwe been aanvul.
Wanneer ’n mens nog jonk is, werk die twee tipes selle in ewewig met mekaar, maar ná die middel dertigerjare is die proses nie meer so effektief nie. Mense verloor al hoe meer been, wat die skelet dunner en swakker maak.

Dieetpille is niks meer as kaffeine, lakseermiddels en waterafdryfmiddels nie, om dit eenvoudig te stel nie. Dit versnel g’n jou metabolisme nie. Dit is uiters gevaarlik, kan jou ontwater, is sleg vir jou organe en kan verslawend wees. Boonop bevat sekeres van die onwettige middel efedrien. Omdat dit nie deur die mediese raad goedgekeur hoef te word nie, is enige van die middels (OOK, sogenaamde natuurlike middels nie een goedgekeur of klinies getoets nie). Dit kan lei tot hartkloppings en ‘n rits ander newe-effekte.

Net omdat daar natuurlik op ‘n ding staan beteken nie dit is veilig nie! Hoodia, is een van die slap rieme. Daar is meer van die sg Hoodia in “bottels” op die rakke as wat daar van die betreklike skaars spesie ooit in die veld kan groei.

Van die middels kan inwerk op ander medikasie waarop jy mag wees.

Daar bestaan werklike medikasie wat deur kliniese toetsing gegaan het en voorgeskryf word vir vetsug. Jy ly nie aan vetsug as jy 10kg oorgewig is nie. Dit word meestal voorgeskryf vir mense wat so vet is dat hulle lewe in gevaar is. Dit werk op die brein wat alles beheer. Dit onderdruk die honger deur presinaptiese opname van bepaalde neurotransmitters in die brein.

Dit moet goed gemonitor word en het hulle eie newe-effekte. Dit is nie vir iemand wat vinnig ‘n paar kilogram wil afskud nie.

Wie word vet? en hoekom?

1) Kyk eerste na jou ouers, 4 grootouers en indien moontlik die 8 agter-groot ouers (se fotos). Dit sal jou ‘n goeie aanduiding gee oor waar jy staan met betrekking tot jou genetika. As die meerderheid maer is, eet jy verkeerd. As hulle dikkerig is, moet jy harder werk 🙂

2) Daar is ‘n nou verband tussen vetsug in kinders en te min slaap snags. Laat jou kinders/babas/tieners lank slaap snaaks. Vroeg bed toe met hulle. Behalwe dat dit tot vetsug lei, het die brein slaap nodig. Dit het te doen met die afskeiding van metaboliese hormone. Vetsug in kinders hou ook nou verband met diabetes tipe 2.

3) Dit blyk dat gene wel betrokke is soos genoem het bo, een is die FTO-geen. Maar werk in die area is nog baie nuut.

4) Dit is nie waar dat ons vet is omdat ons ryker is en dit beter gaan met die wereld nie, baie arm mense is ook vet. Dit het te doen met wat ons eet, wanneer en hoe. Inteendeel van die armste mense is vet, omdat die goedkoopste kos, van die grootste gemors is, soos blokke margarien ect.

Later meer oor mikro- en makro nutriente. En oi vei, moet tog nie selenium-pille, koper of chroom drink nie, jy het spoorelemente daarvan nodig. Jy het nie die pil nodig nie! Jy maak iemand ryk en jy lyf ongelukkig.

Ek hou nie van wollerige, fladder-kuns nie. Ek hou van rou, lewende kuns wat emosioneel ‘n denkproses en/of gevoelsproses by my aanwakker. Iets wat ek nie voorheen ervaar het nie, of dan ‘n gevoel wat voortbou op my bestaanslewe.

Ek dink egter ook nie ‘n paar strepe op doek of ‘n bol gesmelte plastiek is kuns nie. Vir my moet dit eintlik voor die bors ruk en tot my sintuie spreek. Eintlik hou ek daarvan as kuns my ontstel. Dit moet my weer wakker ruk.

My gunsteling, lewende, Suid-Afrikaanse kunstenaar is die Kapenaar, Jane Alexander (1959 -). Ek glo nie haar werk is te koop nie, maar haar allerlieflikste installasies is te sien in die Nasionale Gallery in die tuine. Indien dit te koop sou wees, sal ek dit nooit kan bekostig nie.

Kyk mooi na die uitdrukkigs op die dier-mense of is dit mens-diere se gesigte. Dit is nie, neutraal nie, al kom dit aanvanklik so voor.

Sentraal in hierdie boonste een is die figuur wat ploegskare ager hom aansleep, die merke is in die grond te sien. Elkeen kan hiermee maak wat hy wil. Sy gesig is weer vormloos en toegegooi met ‘n doek. Haar figure dra altyd outentieke, outydse klere en skoene.

Maar ek hou nie van kuns van te veel verduidelik word nie. Ek kan nie ophou om vir haar werk te kyk nie, dit bly fassinerend, pragtig, betowerend mooi.

 

Seker haar bekendste werk is The Butcher Boys hier onder, maar die werk is nie so boos soos dit lyk nie. Dit is ongelooflik treffend en groter as lewensgroot. Wanneer ‘n mens voor dit staan spoel ‘n ongelooflike gevoel van jammerte vir die drie oor ‘n mens, simpatie en empatie. Hulle oe is byna smekend… dit is as jy dit regkry om verby die sogenaamde ‘gruwel’ verby te kyk.

Loop jy om hulle sien jy tot jou skok, hulle rugwerwels steek horing-agtig uit. Seer, vermink. En monde, wat nie kan praat nie. Die werk is aangrypend. Hulle sit saam, maar elk is ook op sy eie.

 

The Butcher Boys – Jane Alexander

 

Die boonstes staan almal staan saam bekend as: African Adventure (behalwe die Butcher Boys) en is afgelaai by http://www.universes-in-universe.de/english.htm en www.arthhrob.co.za

Aarde, sluk my in!

My Ouma se suster, Ous – soos ons haar genoem het, kon nie bestuur nie. Maar sy was die trotste eienaar van ‘n two-tone Holden. Grys onder en wit bo. So ene uit die sestigs.

In die tagtigs het niemand, sulke karre gery nie, het ek geglo.

Ous, wat twee mans oorleef het en die derde een geskei het, omdat “hy agter haar geld aan was”, is in haar eie motor rondgery indien sy dorp toe moes gaan.

My grootste vrees is om in die Holden raakgesien te word. Om naby die Holden te kom. Of selfs, dat dit sou uitlek dat iemand in ons familie, na my mening die allervieslikste kar op die aarde, besit.

Hy het een reuse, lang bank voor gehad? Ek meen watter tipe kar is dit? Soos ‘n bakkie. En dan, het hy ratte langs die stuurwiel gehad. Duh!

En, die ergste van alles, mens kon hom so, bwruuummm hoor aankom, so lae, grommende klank.

As ek hoor my pa trek die Holden uit Ous se garage, dan is ek net weg . . . netnou sien iemand my. Boonop was Ous doof, en sy het altyd kliphard van ander mense gepraat, terwyl die teekoppie op haar reusagtige borste gerus het. Sy was ‘n liewe mens, maar as sy so kliphard “geskinder” het, het ek vir haar part skaamgekry – koppie en soetkoekie al trillend op haar borste.

Maar my vooroordele oor Ous, haar dowe ore, en reuse borste en natuurlik die vieslike Holden het my ingehaal.

Een dag wag ek vir my Pa by die skool. En doer om die draai, kom die Holden stadig nader gekruip. Brrruuummmm…. Met Ous, kiertsregop langs my pa.

Ag nee! Ag kak. Hulle draai sommer by die skool se erf in. Bruuuuum. Al wat ek sien is die een, groot, stupid, bank voor-in.

Grys-en-wit two tone. Sies.

Ek wys vir my pa met my kop diiieeeee kant toe. Ry weg dat ek daar opklim, maar my pa sit soos ‘n mossel agter daai stuurwiel.

Hulle kyk vir my en ek vir hulle. TOET! blaas my pa die toeter vir my. Ek hol nader dat hy net moet ophou, spring in die kar en le so laag ek kan.

Ek is dikbek tot by die huis. Later toe my ma huistoe kom is ek nog vies en sy wil weet wat gaan.

Sy probeer my emosionele snaar: “Jy kan bly wees, ander kinders moet busry,” probeer sy.

Ghmf! Dis nie die punt nie.

My grootste vernedering: My Ouma, se suster, se 1960’s two-tone Holden, as ek in hom moes ry!

Dit is die lot van die ongetroude vrou om ape die hel in die lei (ape-leader), so is vir honderde jare na ongetroude vroue verwys.  Dit is haar straf omdat sy nie kinders gebaar het nie.

Ek is bevrees ek gaan ‘n hele klomp ape die hel inlei. Ek bestel sommer nou al vir my en die ape piesangbrood.

Hulle sit al en wag vir my, oeps jammer hulle is nie ape (vermis ‘n stert) nie, hulle is groot primate, so hulle gaan nie hel toe nie….

(Die res van die artikel is nie vir sensitiewe lesers nie. Opruiende, liberale, vermoedelik pro-gendergelykheid-standpunte word gemaak)

 

Wanneer steek ‘n meisie die grens van meisie-wees na vrou-wees oor? Wat is ‘n vrou?

oujongmeisie, =s, oujongnoi, =ens, oujongnooi , =ens. Taamlik ouerige, ongetroude meisie.

A spinster (or old maid) is a woman or girl of marriageable age who has been unwilling or unable to marry, therefore has no children. Socially, the term is usually applied only to women who are regarded as beyond the customary age for marriage, and is generally considered an insulting term, more degrading than the term “bachelor” for males. While men can continue to have children into their 70s or 80s, women generally become less and less able to bear children as they get older. So the term “old maid” is only applied to women who are past a child bearing age but have never married. (Wikipedia)

As early as the 14th century, “spinster” was a term for a woman whose occupation was spinning thread to be woven into cloth. In the 19th century it came to denote still-unmarried women of any occupation, many of whom engaged in spinning as a respectable way for them to earn income without leaving their parents’ home. A spinster might hold the legal status of femme sole, escaping the legal doctrine of coverture which meant her earnings were her husband’s. !!!! (WOW!)

Dit blyk dat ‘n man, sommer gou ‘n man kan raak, hier teen 21 jaar, of selfs vroeer wanneer hy in sekere kulture volwasse besnydenis ervaar, of grootmensdinge (geld, seks, sport, motors, politiek ens) met sy pa kan praat. Of dalk nog belangrikriker, wanneer ‘n man op sy eie twee bene kan staan en vir homself kan sorg, sy eie motorpaaiement kan bekostig, en met sy eie geld ‘n trou- en verloofring kan koop.

Hy het ‘n mediese fonds, pensioenfonds, inkomste en so meer.  Betaal ‘n motor en sit ‘n ekstra geldjie weg. Hy is ‘n man. En besluit hy om op 24 of nie dadelik te trou nie een eers sy voete te vind, word dit as wys gesien, baie hubaar, die tipiese alleenloper, ‘n groot vangs en wat nog.

En die vrou? Sy is ‘n paar of een van die volgende: Te moeilik, te lelik, te vet, ‘n feminis, gay, vol nonsens, te koud, seker iets fout met haar, vol fieterjasies, sal op ‘n man se kop sit en stel net in haar beroep belang.

Al is sy heeltemal onafhanklik, of dan afkeurend: die hoof van haar eie huis. En soos die fundamentaliste dit graag stel: teen gesinswaardes. Die stelling is niks anders as ‘n meer subtiele manier van “ape leader’ skree nie.

Maar vroue wat nie trou  en/of kinders het nie, word oor die algemeen nooit as volwaardig vrou gesien nie. Sy bly altyd, die meisie (ek is nie in std. 6 en gekeis nie), nooi (dit is nie 1857 nie) , meisiekind (Huh?), juffrou (sy hou skool) en juffer (klink soos buffer) . En lewer sy ‘n mening of kritiek is is bitter, jaloers, krities teen die samelewing blah-blah.

So asof sy nie vroulike sekshormone, baarmoeder, eierstokke, borste en ander eienskappe sedert puberteit van vrouwees besit nie.  Asof die “deug van die vrou” bestaan uit trou en kinders kry. Verontrustend.

Want wat is werklik ons beeld van die moderne vrou as ons beeld van die ongetroude vrou so verdraai is? Dit is dit steeds wat dit al die jare was en niks het verander nie.

Die ongetroude vrou vs die getroude vrou vs ongetroude man

Die eksperiment in drie rigtings. As ons waarde dan le, soos gemeet in die ongetroude man wat bitter gou sy “wasdom” bereik, en die getroude vrou gemeet aan haar vroulikheid, danksy haar getroude status en/of moederskap. Lewer ek my persoonlike bewyse 🙂

Ek kan ‘n lieflike verloof- en trouring bekostig, beskik oor ‘n mediese fonds (waarop ‘n afhanklike is en ek die hooflid), pensioenfonds van my eie, ‘n belegging, ‘n inkomste, ‘n motor en ‘n gevestigde loopbaan. Ek is dus ‘n “hubare jong man” in plaas van ‘n oujongnooi op die rak.

Ek is lankal reeds ‘n vrou. Vir jare al. Ek het gekies om nie kinders te he nie. Ek glo, nie alle vroue beskik oor die vermoe om ‘n kind te versorg nie. Ek is nie een van hulle nie. En ek is so bly dat ek kinderloos is, want ek sal nie ‘n goeie ma wees nie. Maar ek weet dat dit nie ‘n kind is wat my soos ‘n vrou behoort te laat voel nie, ekself voel soos een binne-in my. 

En met ‘n hoof van ‘n huis-dogma (gebore uit ‘n onderdrukkende patriargale gemeenskap wat gerieflikheidshalwe natuurlik behou wil word deur die wat daaruit voordeel trek) is ‘n antieke vorm van wet en orde wat ek nie nodig het nie. Ons het landswette en ek gehoorsaam dit. Ek het ‘n hoof, my eie kop, en gelukkig werk hy redelik goed. Die juridiese stelsel hou my in toom.

Nie ‘n meisie, nie ‘n kind, maar ‘n vrou – ‘n ongetroude, kinderlose een. Ek wil nie ‘n kind he nie, want ek wil my eie lewe leef. Boonop gee dit idee dat iets anders binne my kan groei, wat nie ek is nie, my koue rillings.

(ps. Hoe om nie ‘n koei te melk nie: Ek sien dit help nie om vroue in toom te probeer hou nie, selfs nie al se mrn. aartappelboer dit reguit vir karen void nie, op sy eie konsert. Sy het met haar orkes geveg (wat die hoof van haar huis insluit), haar kind gegryp, geweier om te sing en in haar land rover weggejaag!! Of so iets, sy wou nie luister vir die mans nie, hoor ek, ai-ai, die vroue wat nie onderdanig wil wees nie).

Die Wolf en die Woef

Ek is nie bekend daarvoor dat ek van groepe mense hou nie en toe ek so paar jaar gelede van die ‘groep’ kon ontsnap in Washington, is ek reguit (en alleen) na die National Geographic-museum.

Ek was verheug om te sien hulle het ‘n hele uitstalling (dit word gereeld vervang) net oor honde en hulle voorsate die Asiese wolf.

Die ongelooflikste oomblik van liefde en vertroeteling was daar vasgevang in rots. Die versteende fossiele van ‘n vrou en haar hond. Net so presies bewaar. Die hond is saam met haar begrawe, duisende jare gelede en hulle is saam deur paleontoloe in een groot stuk uitgehaal. Haar arms was om die hond gevou, in liefde.

 Ek kan nie meer onthou hoe, waar en wanneer, hulle uitgegrawe is nie. Maar dit is tans die oudste fossiel-bewys van wat navorsers “co-habitation” met honde noem.

Alle honde vandag op aarde, ook die een wat nou hier by my op haar kombersie le, is direkte afstammelinge van die wolf. Teen sowat 14 000 jaar gelede was die prosess van “domestication” al baie goed onderweg, dus was die wolwe al soort van huislike honde. Dit kan sover terug as 20 000 jaar gelede al begin het.

Daar is twee maniere hoe dit kon gebeur het. Die wolwe het op die rand van die jagter-versamelaars se groepies gewoon en stelselmatig al nader gekom, agter die oorskietkos en rommelhope aan, tot hul al makker was, of die mense het die kleintjies geneem en natuurlike seleksie het voorkeur verleen aan die wat die beste kon bedel en aanpas by die mense. Hoe dit ookal sy, die diere het die eienskap geeerf van vleiseters wat in die teenwoordigheid van mense kon eet. Vandag is hul omnivore.

Honde is nou so mak hulle kan nie sonder die teenwoordigheid van mense oorleef nie. Van hulle kry swaar buite die huis. Hulle kry hartsiektes, kanker, epilepsie, allergies en katerakke. 350 siektes in totaal.

Hulle het 39 pare chromosome en deel 5% van hulle genetiese samestelling met die mens. (Die erg bedreigde Afrika wilde hond is nie die voorsaat van die hond nie, hy het net 4 tone ect)

Tog toon die DNS tussen die wolf en die hond min verskille. Die gene wat vir haarkleur, grootte en dies meer enkodeer is nie so baie nie. Daar is soveel verskillende tipes “breeds” van honde, wat so verskillend lyk. Maar onthou dit is steeds dieselfde spesie Canis familiaris . Hulle is steeds almal honde. Dit dui op klein genetiese variasies en dit gaan baie keer saam met bepaalde siektes.

Honde kommunikeer deur te piepie (so moenie te kwaai wees nie – nou en dan moet hy sy huis merk 🙂 ), ook deur liggaamshouding en posisie, gesigsuitdrukkigs, beweging en vokalisering (uithaal van stembande sal ek persoonlik nie doen nie). ‘n Hond moet reuke kry as hy stap, en piepie, eerder as vreeslik baie oefening (behalwe spesifike tipes wat moet hol). Wag maar dat hy ruik en snuffel, hy ruil briewe uit met ander honde uit.

Terug by daardie uitstalling. Mens kon jou neus in ‘n spesiale buis druk, om te ruik hoe sterk ‘n hond ‘n hamtoebroodjie ruik en ook sien wat ‘n hond sien. Dit was nogal oulik.

En ja, honde het emosies, sommer baie.

Help ‘n arm hondjie/katjie  hier, ek doen met ‘n geldjie elke maand, in ‘n debietorder, hoef nie baie te wees nie. Elke bietjie help.

Het julle geweet dat wanneer daar ‘n brand in ‘n plakkerskamp is verbrand van die diere ook? En dit is die DBV wat gaan help.

http://www.spca-ct.co.za/

Foto: www.nationalgeographic.com Robert Clark (foto is nie gedokter, hulle sit/staan regtig so)

Bronne: National Human Genome Institute, National Geographic

Danser

 In harmonie. Met gemak, met krag is dit net so mooi. Perfek in sinchronisasie. In beweging vasgevang.

Tydlose choreografie van die lyf.

Mikhail Baryshnikov en Rob Besserer, Cumberland Island, Georgia, 1990.

Foto: Annie Liebovitz, NY Times